ກອງທັບໄທທົດລອງປືນໃຫຍ່ CS/AH2
ໜັງສືພິມກອງທັບປະຊາຊົນ ຫວຽດນາມລາຍງານວ່າ: ສະຖາບັນເທັກໂນໂລຊີປ້ອງກັນປະເທດໄທ (DTI) ຫາກໍປະກາດຜົນສຳເລັດ
ການທົດລອງຍິງປືນໃຫຍ່ຂະໜາດ 105 ມມ CS/AH2. ການທົດລອງຄັ້ງນີ້ໄດ້ດຳເນີນຂຶ້ນ ໂດຍການຮ່ວມມືກັບກອງພັນປືນໃຫຍ່ໜ້າ
ດິນຂອງກອງທັບລາດຊະອານາຈັກໄທ, ເຊິ່ງການທົດລອງໄດ້ຈັດຂຶ້ນຢູ່ສະໜາມຍິງປືນໃຫຍ່ເຂດພູພຽງພາກກາງຂອງໄທ.
ຜົນການທົດລອງເຫັນວ່າປືນໃຫຍ່ດັ່ງກ່າວໄດ້ຍິງຢ່າງຖືກເປົ້າໃນພື້ນທີ່ເນີນສູງ ແລະ ຕ່ຳ. ກະຊວງປ້ອງກັນປະເທດ ໄທ ລະບຸວ່າ: ເມື່ອ
ປີຜ່ານມາ DTI ໄດ້ປະກາດໃຫ້ທຶນ 48 ລ້ານບາດ (ສະກຸນເງິນໄທ) ເພື່ອຄົ້ນຄວ້າ ແລະ ພັດທະນາຕົວແບບ CS/AH2 ພາຍໃນປະເທດ
ໂດຍອີງໃສ່ເຕັກໂນໂລຊີ ທີ່ໂອນຈາກບໍລິສັດປ້ອງກັນປະເທດ ໂປລີ ເຕັກໂນໂລຊີ ຂອງຈີນ, ຄາດວ່າ: CS/AH2 ຈະທົດແທນລະບົບປືນໃຫຍ່
ທີ່ມີອາຍຸຫຼາຍປີ ເຊິ່ງລວມມີ 105 ມມ M-425, L119 ແລະ Mod 56 howitzers.
ນອກນັ້ນປືນໃຫຍ່ CS/AH2 ພ້ອມດ້ວຍລະບົບນຳທິດ inertial ເປັນຕົວກຳນົດເປົ້າໝາຍ ແລະ ໄດ້ຕິດຕັ້ງຈໍສະແດງຢູ່ເທິງປືນຄ້າຍຄື
ກັບປືນໃຫຍ່ Nexter LG1 Mk III 105 ມມ ລຸ້ນໃໝ່ 12 ເລົາທີ່ໄທນຳເຂົ້າ. ນອກຈາກນີ້, ປືນໃຫຍ່ຍັງມີລະບົບວັດແທກອຸນຫະພູມຂອງ
ດີນຟ້າອາກາດ ແລະ ເສັ້ນທາງຂອງລູກປືນ, ປືນຕິດຕັ້ງລະບົບຄວບຄຸມດິຈິຕອນ ແລະ ລະບົບປະສານງານດາວທຽມ ເພື່ອປັບປຸງຄວາມສາມາດ
ໃນການໂຈມຕີ ໃນທຸກສະພາບອາກາດ.
ແຫຼ່ງທີ່ມາ: ໜັງສືພິມກອງທັບ
ວັນທີ 10/10/2023